Hallo. Min Namä isch Andrea und ich bin d'Illutrulla. Mini Wält isch Farbig. Zeichnä isch mini Lidäschaft und uf därä Basis wachsät mini Ideeä und Produkt.
Ich bin sit 2006 Hauptbrueflich als Tätowiererin tätig und bring di verschiedenstä Ideeä uf und under d'Huut.
Sit einigä Jahrä zeichnä und illustrierä ich au uf allnä möglichä Untergründ.
Mis Agebot:
- Illustrationä aller Art
- Fründschaftsbuäch für Erwachsäni
- Schilder und Beschriftigä
- Chinderzimmer Wandgstaltig
- Comics & Zeichnigä
- Produkt & Gschänk fü Chind und Chindschöpf
Unä findsch du äs paar Biispiel. Vil Spass bim Stöberä.
Fründschaftsbuäch für Erwachsäni
Möchtsch au wider, wi frühäner, dini Fründä analog sammlä und intressanti Details feschtghaltä ha? Dänn isch s Fündschaftsbuäch genau s'Richtig für dich! Mit frischä Illustrationä und Fragä gfüllt, isch äs Produkt entstandä wo riiesig Spass macht zum umäreichä.
Du chaschäs bi mir für Fr.38.- bestellä oder analog i mim Tattoo-Studio adä Hardstrass 324 in Züri chaufä.
Lernchartä für di Chlinä
S'Lernspiel isch mis erschtä Produkt xi. Ideal für Chinzgi-Chind, aber au für jüngeri, zum äs Gfühl für d Wuchätäg z'entwicklä.
Du chaschäs bi mir chaufä und natürlich au verschänkä. Äs choschtät Fr.25.-
Pimp your Chinderzimmer
Möchtisch du s Chinderzimmer mitmä Wandbild värschönerä? Ich gstaltä äs individuells Wandbild, einzigartig und personalisiert. Öb ä einzälni Figur oder ä ganzi Themäwand? D'Möglichkeitä sind unbegränzt. Ich freu mich, oiäs Chinderzimmer biz bunter z 'machä!
Lad mich für äs unverbindlichs Gspräch i.
Illustrationä, Comics & Schilder
